" कृषि पशुपंछीमा लगानी, महाकुलुङमा सुनाैलाे विहानी " भन्ने मुल नाराका साथ विषयगत विज्ञ र सराेकारवालाहरूसँग स्थानीय तहकाे कृषि पशुपंछी विकास गुरूयाेजना निर्माण कार्यक्रम सम्पन्न भएको छ । अन्तरक्रियामा कृषि विज्ञ डा. मदन राई, पशुसेवा विज्ञ डा. सुदर्शन प्रसाद रेग्मी र जिल्ला कृषि ज्ञान केन्द्रका प्रमुख झलकनाथ कडेलको उपस्थितीमा जनप्रतिनिधि, स्थानीय स्तरमा क्रियाशिल गैरसरकारी संस्था, सामाजिक संस्थाका प्रतिनिधिबाट गाउँपालिका भित्र कृषि र पशुसेवाको विकास र विस्तारमा गर्न सकिने संभावित कार्यक्रमको बारेमा सुझाव संकलन गरिएको थियो । कार्यक्रममा महाकुलुङ गाउँपालिमा सक्रिय जि फाउण्डेशन नेपाल, इको हिमाल, विमा कम्पनी तथा अन्य सामाजिक संघ संस्था,कृषकहरुको समेत सहभागिता थियो ।

प्राविधिक शिक्षा अध्ययनका लागि छात्रबृत्ति दिलाउन ‘पवित्र कामको थालनी तपाई हामीबाट’ भन्ने भावनाका साथ बास्केट फण्डको निर्माण गरिएको थियो जस्मा कार्यक्रममा सहभागीबाट २८ हजार ७६० रुपैयाँ रकम संकलन भएको  थियो ।