मिति २०७५ साल पौष १० गते मंगलबारको दिन महाकुलुङ गाउँपालिकाको अध्यक्ष श्री सागर किरातीको अध्यक्षतामा गाउँकार्यपालिकाको बैठक बसी तपशिलका निर्णय गरियो ।

१. कुलुङहरुको महान चाड चाकचाकुरको अवसरमा महाकुलुङ गाउँपालिका भित्रका शिक्षा संस्थाहरुमा पौष १५, १६ र १७ गते स्थानिय बिदा दिने निर्णय गरियो ।

२. महाकुलुङ गाउँपालिकाको लागि १-थान स्कुटर खरिदको लागि रु २,५०,००० ।- अक्षरेपी दुई लाख पचार हजार विनियोजन गर्ने निर्णय गरियो ।

३. विद्यालयहरुको SIP निर्माण तालिम र शिक्षा शाखा कार्यालय व्यवस्थापनको लागि रु ४,००,००० ।- अक्षरेपी चार लाख विनियोजन गर्ने निर्णय गरियो ।

४. महाकुलुङ गाउँपालिका वडा नं १ निवासी लक्षिन विर्ता राईको नाति खड्क कुमार राईको छोरा रोशन कुलुङ र महाकुलुङ गाउँपालिका वडा नं २ निवासी भोज विक्रम राईको छोरी एकता कुलुङलाई क्रमश ४,००,००० ।-  अक्षरेपी चार लाख र १,००,००० ।- अक्षरेपी एक लाख छात्रवृत्तिको रुपमा कार्याविधि बनाई प्रदान गर्ने निर्णय गरियो । रोशन कुलुङ नेपाल मेडिकल कलेज जोरपाटीमा MBBS  र एकता कुलुङ डिप्लोमा इन फार्मेसी अध्ययन गर्दै आउनुभएको छ ।

५. पात्ले तोस्खम सिचाइ निर्माण गर्न रु ५,००,००० ।- अक्षरेपी पाँच लाख विनियोजन गरीएको छ ।

६. ५० KV को ट्रान्समिटर खरिद  र ढवानी गर्न रु ३,००,००० ।- अक्षरेपी तिन लाख छुट्याइयो ।

७. महाकुलुङ सडक निर्माणको क्रममा ध्वस्त भएको सगरमाथा मा.वि को खानेपानी फिल्टर रु ३,००,००० ।- विनियोजन गर्ने निर्णय गरियो ।

८. स्वास्थ्य चौकी तुमाउको फर्निचर निर्माण र व्यवस्थापनको लागि रु ४,००,००० ।- अक्षरेपी चार लाख विनियोजन गरियो ।

९. महाकुलुङ गाउँपालिका स्तरीय कक्षा ८ को परीक्षा सञ्चालन र व्यवस्थापन गर्न रु ३,००,००० ।- विनियोजन गरियो ।

१०. पेल्माङ आ. वि को  ५० औं वर्ष पुगेको अवसरमा Golden Jubilee सम्पन्न गर्न सहयोगार्थ रु ३,५०,००० ।- अक्षरेपी तीन लाख पचास हजार मात्र विनियोजन गर्ने निर्णय गरियो ।

११. सोलुखुम्बु जिल्लाको प्रमुख जिल्ला अधिकारी श्री नरेन्द्र राना मगरको प्रमुख आतिथ्य, महाकुलुङ गाउँपालिकाको अध्यक्ष तथा जनप्रतिनिधिहरु यातायात व्यवसायी, स्थानीय , स्थानीय प्रशासन र अन्य सरोकारवालाहरुसँग मिति २०७५ मंसिर २३ गते निर्धारण गरिएको जिप भाडा दर कडाइको साथ लागु गर्ने अभियान गाउँपालिकाको अगाडि बढाउने निर्णय गरियो ।

१२. स्वास्थ्य चौकी गुदेललाई भवन मर्मत गर्न रु ४,००,००० ।- अक्षरेपी चार लाख विनियोजन गर्ने निर्णय गरियो ।

१३. महाकुलुङ गाउँपालिकाको स्थानिय स्वास्थ्य तथा सरसफाइ ऐन गाउँसभामा पेश गर्ने गरि पारित गर्ने निर्णय गरियो ।

१४. महाकुलुङ गाउँपालिका सामाजिक विकास शाखा अन्तर्गत अर्को व्यव्स्था नभए सम्मको लागि शिक्षा शाखामा कामकाज गर्न सरल र सहजताको लागि श्रोत व्यक्त्ति श्री दयाराम बस्नेतलाई शिक्षा शाखाको प्रमुखको जिम्मेवारी तोक्ने निर्णय गरियो ।

१५. प्रस्तावक पशुपन्छी विकास शाखा प्रमुख डा. बिर्खरान राईले पेश गर्नुभएको कृषि तथा पशुपन्छी व्यवसाय प्रबर्द्धन सम्बन्धमा व्यवस्थापन गर्न सोको ऐन २०७५ पारित गर्ने निर्णय गरियो ।

१६. कृषक समूह गठन तथा व्यवस्थापन निर्देशिका, २०७५ पारित गर्ने निर्णय गरियो ।

१७. कुलुङहरुको महान चाड चाकचाकुरको अवसरमा सम्पन्न हुने खुल्ला पुरुष फुटबल प्रतियोगिता मिति २०७५/०९/१३ देखि १७ सम्म को लागि रु ४,००,००० ।- अक्षरेपी चार लाख मात्र विनियोजन गरी कार्यान्वयन गर्ने निर्णय गरियो ।

१८. महाकुलुङ गाउँपालिकाको पार्श्व चित्र निर्माण तयारीको लागि रु ८,००,००० ।- अक्षरेपी आठ लाख मात्र विनियोजन गरियो ।

१९. महाकुलुङ गाउँपालिका वडा नं १ स्थित सुर्के खोला लघुजलविद्युत आयोजना निर्माण सहयोगको लागि  रु १०,००,००० ।- अक्षरेपी दश लाख माब विनियोजन गर्ने निर्णय गरियो ।

२०. पशुपन्छी, कृषि अध्ययन तथा श्रोत केन्द्र सञ्चालनको लागि बहुउद्येश्यीय सहकारी संस्थालाई प्रस्ताव आह्वान गर्ने र उपयुक्त प्रस्ताव छनौट गरी सञ्चालनको लागि सम्झौता गर्ने निर्णय गरियो ।

२१. बाख्रा पकेट कार्यक्रम सञ्चालनको लागि हाल चलेको मूल्यमा ५०% र ७५% को क्रमश बोयर बाख्रा र बोका खरिद गरी कृषकलाई वितरण गर्ने निर्णय गरियो ।

२२. टोल-टोलमा (पशुपन्छी सेवा शाखा) प्राविधिक सेवा सञ्चालनमा छुट्याएको बजेट रु २५,००० ।- अक्षरेपी पच्चिस हजार मात्र औषधी खरिद र व्यवस्थापनमा खर्च गर्ने निर्णय गरियो ।

२३. Data संकलक नियुक्ति (पशुपन्छी सेवा शाखा) को लागि प्रत्येक वडाबाट एक जना पारिश्रमिक रु ८,००० ।- अक्षरेपी आठ हजार मात्र पाउने गरी नियुक्ति दिदै कामकाजमा खटाउने निर्णय गरियो ।

२४. महाकुलुङ गाउँपालिका वडा नं ३ को वडा परिषदबाट विनियोजित साबुन उद्योग तथा व्यवस्थापन शीर्षकको रु ३,००,००० ।- अक्षरेपी तीन लाख मात्र स्वास्थ्य चौकी छेस्काममा बर्थिङ सेन्टर भवन निर्माणको लागि रकमान्तर गर्ने निर्णय गरियो ।

२५. महाकुलुङ गाउँपालिका भित्र जुवा तास खेल्न प्रतिबन्ध गर्ने निर्णय गरीयो ।